قسائد للشاعر المتميز سلطان الركيبي استطعت جمعها من عدة مجلات خاصة بالشعر اهداء لكم ولمحبي هذا الشاعر ارجو من الاخوان تثبيت هذا الموظوع ولكم جزيل الشكر






___________________________

السهد يجلد عيوني

شوق ٍرماني على وجه الورق شفته
بعيون ناس ٍ على اوجاعي تواسيني

الجرح ينزف وهمي قد تطاولته
على فراق ٍ تسرمد بينك وبيني

ياهيه ياللي لويت القلب ووجعته
واشعلت نار الوله بقصى شراييني

كم لي وانا اسوق عمر ٍلجلك اذهبته
لين ذبلت من غيابك زهرة سنيني

وكم لي وانا اخيل وجه ٍ بالحشا اسهرته
واطوح الآه شكوىٍ حايره فيني

السهد يجلد عيوني والغلا شلته
تحت الحنايا يصبحني يمسيني

كن الشقا ترثة ٍ الصدر حصلته
وكنه خليل ٍ حلف دينه على ديني

وانته تقاسيت في جرحي وبعثرته
وامري غدى للأسف مهوب بيديني

لقلت ببعد ترى من قلب ماقلته
وشلون انا عنك ببعد وانت في عيني

كبر الغلا يم مع بعدك تجرعته
حتى غدت كل زفرة آه تعنيني


ليتك تشوف اش كثر وقتي بك اشغلته
وليتك تشوف العنا وشلون كاسيني


وان كان حرفي على الاطراس ماشفته
بموت مامات حبك في شراييني


__________________________________________________ _________________________
امس كان الغلا


وشهو اللي بقا بعد الطعون ارتجيه
وبعد غدرك عهودك مابقالي مقام

بجمع اللي بقا من عمري ان كان فيه
باقي ٍ عمر وابعد عن جنوبك بشام

مبدئي راس مال بهامتي محتميه
ودرب ابويه وجدي للخطاوي إمام

لاعتنقت النفاق ولاعبدت الوجيه
ولاطعنت المشاعر تحت جنح الظلام

وانت ياللي قتلة الحب واجرمت فيه
مارحمت المحاني يوم صاحت حرام

ومارحمت الآمال اللي تنامت عليه
والصروح الصروح اللي تهاوت حطام

بعدها جاي نادم وشهو اللي تبيه
بعد منهارت سنيني وصارت هدام

وبعد ماحطني دربك بقبضة يديه
جيت يمه تمام ورحت ماني تمام

وجيت سيفي بكفي والبخت مرتديه
ورحت لاني كسبت ولاحفظت الحسام

تايه الدرب تهت وصادق الدرب تيه
والمكارم توارت في غياب الكرام



وكل شي ٍ خسرته وشبقي واحتريه
ونايف العزم فيني صار برد وسلام


مابقى فـ الضلوع الا صدى ليه ليه
ونة ٍ طيرت فـ الجوف سرب الحمام


امس كان الغلا حتى الدروب تحكيه
وامس كان الغلا في نايفات الغمام

وامس كنت فـ حياتي شي ماله شبيه
شي واقسم بربي فوق حتى الهيام

لكن اليوم اموت ودرب وصلك مجيه
لو يشب بضلوعي الف شوق وغرام

لا...ولا يخدعك قلبي ولو قال ابيه
اصل قلبي عليه صار ماله كلام





__________________________________________________ ________

جمرة ٍ فوق ثلج


من عرفت الحياه وكلمتي فـ السفوح
واصغر ابداع فكري بالقصايد مدى

لين جت بنت حوى وارثعت بالجروح
انتخيت بعزومي مير ضاعت سدى

جتني اللي توطي شامخات الصروح
وجتني اللي يموت الشعر فيها فدى

وجتني اللي يطول المدح فيها شروح
مالي بوصفها حيله ولا لي جدى

صحت في شعري اللي بالنوايف طموح
بس في وصفها ثاير قصيدي هدى

هي نبع الجمال وهي فـ اغلاه روح
منتهى كل حسن وهي بعد مبتدى

ان تغلت بكلمه صمتها صار بوح
وان حكت بلبل ٍ فـ اعلا غصونه شدى

في ثغرها الكسول وفي ثغرها الشحوح
جمرة ٍ فوق ثلج ونفح عود وندى

وليلها كاسي ٍ شمس الجبين الصبوح
وبين حور النواعس سيف" خالد" بدى

اعتلت لين صارت في حياتي سفوح
في دروبي شموع وللقصايد مدى

__________________________________________________ _______________________

زخات الغلا


هلابك كثر ماغرد على اغصان الشجر عصفور
وهلابك كثر ماطارت من اغلال القلم صوره

وهلابك كثر ماشد الظلام اللي طرده النور
وهلابك كثر ماهاجت على صمت البحر ثوره

يهليبك خفوق ٍ من عذابك صاير ٍ مشهور
رسمك احلا ملامح في خيال الدهر محفوره

نثرلك في خدود الطرس زخات الغلا بسطور
وكتبك احلا المواجع في سنين العمر وشهوره

يغنيبك يمد بجرح صمته للوصال جسور
وتغنيبك بيوت ٍ هايمات ٍ فيك مبهوره

ويناديبك شعاع ٍ فوق ضفات النهر مكسور
تراقص فوقه امواج ٍ من الابداع مسحوره

حبيبي لاتعاتبني اذا جا با لقصيد قصور
ترى في وصفك ابياتي من التقصير معذوره

وحبيبي لو تحس الجرح تعرف شاعرك معذور
تعذره قبل لاتبدا مطالع باقي سطوره

يحبك كثرماغرد على اغصان الشجر عصفور
ويحبك كثر ماصاغو من ابيات الشعر صوره


__________________________________________________ ____________

شرقتبي


لجل هيفا بوطي شامخات القصيد
وانثر الدر والياقوت بحضانها

وانتشي في هواها مثل طفل ٍ وعيد
وارمي اكبر همومي خلف جدرانها

مثل هيفا غمام ٍ يكتسح كل بيد
لضرب مهمهيه خضٌر ردانها

لطلع نورها غيب قناديل غيد
ولشرقت تاخذ الانظار برسانها

من لمحها تشهد ومن قربها شهيد
كن قصف المنايا صار بجفانها

كنها تاج كسرى والقوافي عبيد
في بهاها القصايد تثقل اوزانها

قالت امدح بحسني وقلت هذا اكيد
واثري اللي مدح قافه على شانها

وان مدحنا ترانا ماحكينا جديد
وان سكتنا مدحها وارف ازمانها

كيف ابوصف جمال ٍ سرمدي ٍ فريد
نايف ٍ فوق وصف امدور احسانها

الشفايا غضاة ٍ فوق نظم الجليد
وسيف طارق تحدر بين حجانها



وعينها عين حر ٍ كافخ ٍ للهديد
والزهر والخزامى عطر اوجانها



من ظبٌي الفلا فيها التفاته وجيد
والدجى ناشر ٍ ثوبه على امتانها



شرقتبي على مد المشاعر وحيد
شاعر ٍ واندفع في غمرة اجنانها



__________________________________________________ _____________________





__________________________________________________ _____________




" آخر دروب العشق "


يوم بانت مشاعل صدق محلاها
كنها وردةٍ فـ الغيد جوريه

أقبلت والحلا والحسن يزهاها
عنق ريم ٍ جفل والعين بحريه

كنها يوم تمشي تسرق خطاها
من مليح الغنج بشويش وشويه

والسبايك على الكتفين غطاها
كنها الليل وسطه شمسنا حيه

ساسها الحسن مدري الحسن مبداها
ملحها " بحر " والنسمات نجديه

يوم مرت خفق قلبي وحياها
واشعلت له رجوم القلب مضويه

كنت هاجر قصيدي لين غناها
واستباحت عزوف القاف حوريه

ما رجعت انظم الدانات لولاها
وارسم آخر دروب العشق بيديه

شفتها من بعيد وصحت محلاها
وردةٍ مع حضور النور جوريه


__________________________________________________ ____


ناحته وسط وجداني


يوم غيب سيد عمري وخلاني
مابقى في خافقي شي ٍيهمه

اجمع اوجاع الغلا وانثر احزاني
والجفون تعانق الديم وتلمه

ليت والله يوم بعد وخلاني
رد قلب ٍ بين اصابيعه وكمه

ان بغيت اغفى كرى الجفن ماجاني
وان نويت ابعد غدى الدرب واليمه

وان نظرت الناس شفته هو الداني
فـ الحشا واقصى شراييني تظمه

ولاذكرت انه هجر وابتعد ثاني
غبت واصحي فوقي الناس ملتمه

ايه احبه واعشقه زهرة ازماني
ولو جزاني ماكفاني ولو دمه

يكفي اني مخلده بعذب الحاني
بالشوارد قمة ٍ واعتلت قمه

ويكفي اني ناحته وسط وجداني
فـ الحنايا اللي وفته على الذمه

علموه ان هزه الشوق يبغاني
والله اني عند كلمات من فمه


__________________________________________________ ____________________________


نزف القلم



جيت واثق مابقى فـ الكون حسن الا خذيته
تاخذ الانظار تاج الحسن يتباهى عليك

جيت يزهاك الحلا مدري بطلاتك زهيته
مشرق ٍ لو بحلف الشمس قطعه من يديك

جيت شوف القلب يوم انك تمكنت وليته
كل خفقه بالمواجع فيه تندهلك تبيك

مرحبا والشعر يشكي بس لو انك قريته
مالحق نزف القلم شرهه ولا لوم ٍ يجيك

ومرحبا بنهيبك اغلا حلم عمر ٍبك بديته
وانهي فيك احلا قصيدي وارجع اقصد وابتديك

وان سما شعري على ذوقك عسى ليته وليته
وان قصر ذنبه عذر لاصار قافه مهتويك

ولعنبو شعر ٍ الى مني على حسنك نخيته
تقصر شبوره عن ادنى حسن بالاوصاف فيك

وانت ياللي كل نايف وصف عديت ورقيته
والله انك وان بعدت اقصى الحنايا محتويك

من سريت وكل جرح ٍ بالحشا دجت وسريته
يبتدي منك العذاب وينتهي دربه إليك

والله انك دين عمر ٍ وش عزاي ان ماقضيته
غير تكسير الامل في درب منهو يرتجيك


انت بس اللي من اوجاعي خذيت اللي بغيته
وانته اللي لايق ٍ شعري وتمجيدي عليك



__________________________________________________ ________________________

يــــا رب
يارب أنا في روض عفوك تنحيت
عن البشر وذنوبها جيت تايب

وعن سربة الغاوون يارب صديت
لاجئ بوجهك عن دروب النوايب

اصبح على ذكرك واناجيك لمسيت
وارفع بكفين الرجا ولكْ . آيب

اغفر ذنوبي يامقدس حجا البيت
لاصرت عن دنيآي راحل وغايب

في حفرة(ن) واسمع وانا الراحل الميت
قرع الخطى من عند روس النصايب

راحو هلي بقيت وحدي وناديت
عاد الندا في وسط الاظلاع هايب

لابه لقب/ لا شعر/ لامجد/ لاصيت
ولاعاد به فزعات ربع وقرايب

ظلام موحش ضيق ف اقصاه حليت
موقف يخلي صم الاحجارذايب

الصمت مطبق ف الزويا وانا اصغيت
والخوف اخذ من كل الاركان نايب

واقبل ملك يسئل يحاسب ورديت
بللي عملت ودمع الاجفان رايب


مشهد يموت به الحكي غير ياليت
ودربِ يخلي حاجب الطفل شايب



يارب قبل الموقف اللي ذكر جيت
ولاتردني يارب الارباب خايب



انا اعترف في دنيتي غصب سجيت
احسب عدال الدرب , والدرب عايب

ذنبي تعاظم والعفو منــــك لخطيت
ورحمتك ساقت للهشــــــيــم السحايب

ومهما غفلت وفي ســـباتــي تماديت
ومهماعلى الرغــبــــات سقت الركايب

اليوم انا في اعتاب عفــوك تـنحيت
مستغفر ِ شاكر لفضــــلك وتـــايب


















عشق الروح

جعل دار ٍ فيه مقدم هل الطيب
جعل يسقيه الحيا من مقاديمه

بارق ٍ ياسعود يكسر على البيب
من رفيع الجو يسكب مرازيمه

كن وبله يوم يدوي تراحيب
شيخ قوم ٍ يهدي اغلا مجاهيمه

يوم يقدح فوق جرد ٍ مجاديب
ينعكس فـ البيد براق من غيمه

لجل حر ٍذب روس المراقيب
بالحلا والجاه والطيب والشيمه

ولجل ريم ٍ داس طرق الرعابيب
تحت حسنه لين صارو بلاقيمه

القلم والطرس واعتى المكاتيب
قصرت بالوصف فـ ابسط تقاسيمه

مشرق ٍ لااسدل جعوده على الجيب
يشبه لبدر ٍ توارى وسط ديمه

مايس ٍ قده تثنيه اعاجيب
والجمر والشهد محلا ترانيمه

ذاك عشق الروح ترثة هل الطيب
حايش ٍ من كل شعري مقاديمه



راجيه ان تحوز على اعجابكم